PayPal ကနေတစ်ဆင့် ငွေပေးချေ၊ လက်ခံတာတွေကို Messenger မှာ ပြုလုပ်နိုင်တော့မည်ဖြစ်ကြောင်းသိရှိရ

___________________________________________________

#နယူးဒီဇိုင်း

တကယ်လို့ သင်က Messenger ကိုအသုံးပြုသူတစ်ယောက်ဆိုရင်တော့ လွယ်ကူတဲ့ လုပ်ဆောင်ချက်တစ်ရပ်ကို ထပ်မံရရှိတော့မှာပါ။ Messenger အနေနဲ့ App ကနေတစ်ဆင့် ငွေပေးချေ၊ လက်ခံမှုတွေ လုပ်ဆောင်နိုင်ဖို့အတွက် ပြုလုပ်လိုက်ပြီဖြစ်ပြီး သင့်အနေနဲ့ ငွေပေးချေမှုတွေကို PayPal ငွေလွဲဝန်ဆောင်မှုကနေ ပြုလုပ်နိုင်မှာပါ။

ဒါဟာဆိုရင်လက်ရှိမှာ အမေရိကန်ပြည်ထောင်စုမှာ စတင်ရရှိတော့မှာ ဖြစ်ပါတယ်။ Messenger App ဟာ ဒီ Payment စနစ်ကို Debit ကတ်တွေကတစ်ဆင့် ပေးချေမှုကိုသာ ရရှိဦးမှာ ဖြစ်တယ်လို့ ဆိုပါတယ်။ ဒီအထဲမှာမှ ပြည်ထောင်စုထဲမှာရှိတဲ့ PayPal အသုံးပြုသူတွေထဲမှာမှ သတ်မှတ်ထားသူတွေကသာ ရရှိဦးမှာဖြစ်ကြောင်း လည်းသိရပါတယ်။ ဒါကြောင့် Messenger App အတွင်းမှာတင် Payment Notification တွေကို တိုက်ရိုက်ပို့ဆောင်နိုင်တော့မှာပါ။
“ဒီလုပ်ဆောင်ချက်ဟာ ကျွန်တော်တို့ဝန်ဆောင်မှု အသုံးပြုသူတွေကို လုံးဝအဆင်ပြေစေမှာပါ” လို့ PayPal ရဲ့ COO ဖြစ်သူ Bill Ready ကဆိုပါတယ်။

Ref: GSM Arena